ओ शक्तिशाली शासक !
अचानक तिमी भावुक भएको हल्ला छ बजारमा
आँशु पनि झारेको समाचार छ शहरमा
ढिला नै सही
तिम्रो हृदयमा अंकुराएको हो भने विवेक
आँशु र भावुकतालाई बनाउँन चाहेका होइनौ भने राजनीतिक पासा
भविष्यमा झनै हुनेछौ दुखी
देखेर नागरिकका दर्द र बेहाल
हुनेछौ तिमी अझै बिक्षिप्त
तिम्रो अपराध (घमण्ड वा गल्ती ) गलेर बन्नेछ संभवत: पश्चातापको अनन्त दलदल
साँच्चै
अब तिमीलाई लाग्दैन ?
हिजो मरेकी सुत्केरी आमा
तिम्रो कुर्सी(सत्ता)लाई असफल बनाउन
रचिएको एक षड्यन्त्र हो !
ओ शक्तिशाली शासक !
चकित छ शहर अनायासै तिम्रो रूपान्तरण देखेर
तिम्रो भावुकता र आँशुको समाचार सुनेर !
(नोट-यो कविता मध्यरातमा उठेर लेखिएको हैन ।)
No comments:
Post a Comment